សរសេររឿងខ្លួនឯងដោយផ្ទាល់ - ចាប់ពី Lawbubuluត្រឡប់ទៅស្រុក កំណើតធ្វើការតាំងពិព័រណ៍ពិសេសរហូតដល់Kialreba ត្រឡប់ទៅអ៊ូថៃ វិញធ្វើការតាំងពិព័រណ៍ពិសេស
"សារមន្ទីរជាតិតៃវ៉ាន់និងសារមន្ទីរអ៊ូថៃធ្វើការតាំងពិពណ៌ពិសេសអំពីការត្រឡប់ទៅស្រុកកំណើតវិញនៃវត្ថុបុរាណវប្បធម៌រយឆ្នាំ-កំណប់ទ្រព្យរបស់រូកៃRukaiLawbubulu "
ណែនាំអ្នកនិពន្ធ៖
ប៉ាសៀវហ្វិន ជាជនជាតិរូកៃRukai ឈ្មោះគ្រួសារគឺ៖Dresedrese.Celrevege
មកពីកុលសម្ព័ន្ធជីលូស្រុកអ៊ូថៃWutaiខេត្តភភីងតុង Pingtung។
បច្ចុប្បន្នគាត់ជានាយកបណ្ណាល័យជុងជឹងក្រុងអ៊ូថៃខេត្តភភីងតុង និងជានាយកសារមន្ទីរវប្បធម៌រូកៃនៅក្រុងអ៊ូថៃខេត្តភភីងតុង។
ណែនាំអង្គភាព៖
សារមន្ទីរវប្បធម៌រូកៃនៅក្រុងអ៊ូថៃខេត្តភភីងតុង ត្រូវបានបើកឱ្យដំណើរការជាផ្លូវការនៅថ្ងៃទី 19 ខែធ្នូ ឆ្នាំ 2000។ មើលពីខាងក្រៅស្ថាបត្យកម្មនោះត្រូវបានសាងសង់ដោយប្រើវិធីតំរៀបត្រួតឥដ្ឋតាមបែបបុរាណ មានតំកល់ទុកវត្ថុបុរាណចំនួន124
រួមទាំងសម្ភារប្រើប្រាស់គ្រប់ប្រភេទដែលត្រូវការសម្រាប់ជីវភាពប្រពៃណីរបស់ប្រជាជនរូកៃ Rukai និងសិប្បកម្មល្អប្រណិតដូចជា តម្បាញ ប៉ាក់ ចម្លាក់ឈើ និងចម្លាក់ថ្ម ព្រមទាំងការបង្ហាញជាក់ស្តែងនៃផ្ទះថ្មក្រានីតបែបបូរាណ វាគឺជាការតាំងពិពណ៌ទ្រង់ទ្រាយតូចដែលជាគំរូបង្ហាញពីវប្បធម៌រូកៃ Rukai។ ការកំណត់គោលដៅនោះគឺ មិនត្រឹមតែធ្វើឱ្យសាធារណជនយល់ និងដឹងគុណចំពោះវប្បធម៌រូកៃ Rukai ប៉ុណ្ណោះទេ ថែមទាំងត្រូវបានចាត់ទុកថាជាស្ថាប័នអភិរក្សវប្បធម៌អចិន្ត្រៃយ៍ និងជាស្ថាប័នអប់រំជនជាតិ បង្រួបបង្រួមអត្តសញ្ញាណ និងអារម្មណ៍នៃក្រុមជនជាតិភាគតិច និងបន្តវប្បធម៌ប្រពៃណីរបស់ជនជាតិរូកៃ Rukaiទៀតផង ។
សរសេររឿងខ្លួនឯងដោយផ្ទាល់ - ចាប់ពី Lawbubuluត្រឡប់ទៅស្រុក
កំណើតធ្វើការតាំងពិព័រណ៍ពិសេសរហូតដល់Kialreba ត្រឡប់ទៅអ៊ូថៃ
វិញធ្វើការតាំងពិព័រណ៍ពិសេស
ចាប់តាំងពីឆ្នាំ 2017 មក សារមន្ទីរជាតិតៃវ៉ាន់និងសារមន្ទីរបេតិកភណ្ឌវប្បធម៌រូកៃ Rukaiក្រុងអ៊ូថៃខេត្តភីងតុង បានចាប់ដៃសហការជាមួយគ្នាដើម្បីរៀបចំ "សារមន្ទីរជាតិតៃវ៉ាន់និងសារមន្ទីរអ៊ូថៃធ្វើការតាំងពិពណ៌ពិសេសអំពីការត្រឡប់ទៅស្រុកកំណើតវិញនៃវត្ថុបុរាណវប្បធម៌រយឆ្នាំ -កំណប់ទ្រព្យរបស់រូកៃ RukaiLawbubulu "។ នៅក្នុងភាសារូកៃRukai lawbubulu សំដៅលើវត្ថុធ្វើដោយដៃដែលមានមុខងារជាក់ស្តែង ឬសារៈសំខាន់ក្នុងសង្គម។ការតាំងពិព័រណ៌នេះគឺជាពិព័រណ៍ទ្រង់ទ្រាយធំលើកដំបូងនៃវត្ថុបុរាណវប្បធម៌ដែលជាកម្មសិទ្ធិរបស់ជនជាតិដើមភាគតិចរូកៃ របស់តៃវ៉ាន់នៅក្នុងប្រទេស។ វាក៏ជាលើកទីមួយដែរដែលឧបករណ៍ប្រើប្រាស់ប្រចាំថ្ងៃ និងសម្រាប់ពិធីសាសនារបស់បុព្វបុរសជនជាតិរូកៃបានត្រឡប់ទៅស្រុកកំណើតវិញក្រោយពីចាកចេញពីស្រុកកំណើតរបស់ពួកគេកាលពីមួយរយឆ្នាំមុន។ ដើម្បីរៀបចំការតាំងពិពណ៌នេះ យើងបានឆ្លងកាត់ដំណើរការនៃការរៀបចំបញ្ជីវត្ថុបុរាណវប្បធម៌នៅក្នុងសារមន្ទីជាតិតៃវ៉ាន់ និងសារមន្ទីវប្បធម៌លូខៃពួកព្រឹទ្ធាចារ្យចូលឃ្លាំងនៃសារមន្ទីជាតិតៃវ៉ានដើម្បីពិនិត្យវត្ថុកុលសម្ព័ន្ធ កិច្ចប្រជុំដើម្បីជ្រើសរើសវត្ថុតាំងពិពណ៌ ធ្វើការសាកសួរនិងអង្កេត ហើយសារមន្ទីរទាំងពីរធ្វើការរួមគ្នាដើម្បីបកស្រាយ និងរៀបចំការតាំងពិពណ៌។ ប្រជុំពីកិច្ចការងាររាប់មិនអស់ ដោះស្រាយការរៀបចំពិព័រណ៍ ការបើកសម្ភោធនិងការអប់រំ បណ្តុះបណ្តាលអ្នកស្ម័គ្រចិត្តជាដើម ជាពិសេសសួរព្រឹទ្ធាចារ្យកុលសម្ព័ន្ធអំពីអត្ថន័យ និងអត្ថន័យនៃវត្ថុបុរាណ រួមទាំងប្រភពនៃវត្ថុបុរាណវប្បធម៌ របៀបដែលពួកកុលសម្ព័ន្ធបាននិយាយ របៀបប្រើប្រាស់របៀបបង្កើត។ល។ ជាមូលដ្ឋានសំខាន់សម្រាប់ការបកស្រាយព័ត៌មានអំពីវត្ថុបុរាណនៅក្នុងការតាំងពិពណ៌ពិសេស។ ក្រុមអ្នកតាំងពិពណ៌នៅក្នុងដំណើរការសិក្សាសាកសួរស៊ីជម្រៅអំពីកុលសម្ព័ន្ធ និងក្រុមព្រឹទ្ធាចារ្យ ស្វែងយល់អំពីអត្ថន័យនៃវប្បធម៌ និងអត្ថន័យនិមិត្តសញ្ញាដែលនៅពីក្រោយវត្ថុបុរាណវប្បធម៌ រូកៃនីមួយៗ ក្នុងអំឡុងពេលសម្ភាសន៍ ពួកគេក៏បានឮពាក្យក្នុងភាសារូកៃកុលសម្ព័ន្ធជាច្រើនដែលមិនត្រូវបានប្រើប្រាស់ជាយូរមកហើយឬតែស្ទើរតែភ្លេច ធ្វើឲ្យយើងស្វែងយល់ថា នេះមិនត្រឹមតែជាដំណើរការនៃការរៀបចំសម្រាប់ការតាំងពិពណ៌ប៉ុណ្ណោះទេ ប៉ុន្តែក៏ជាដំណើរសម្រាប់ក្រុមជនជាតិភាគតិចដើម្បីស្វែងរកខ្លួនឯងផងដែរ។
ក្រុមអ្នកតាំងពិពណ៌កំពុងសាកសួរស្វែងយល់អំពីការត្បាញបុរាណនៃជនជាតិដើមភាគតិចរូកៃ
ទិដ្ឋភាពក្នុងថ្ងៃបើកសម្ពោធ"សារមន្ទីរជាតិតៃវ៉ាន់និងសារមន្ទីរអ៊ូថៃធ្វើការតាំង ពិពណ៌ពិសេសអំពីការត្រឡប់ទៅស្រុកកំណើតវិញនៃវត្ថុបុរាណវប្បធម៌រយឆ្នាំ -កំណប់ទ្រព្យរបស់រូកៃ RukaiLawbubulu "
បន្ទាប់ពីរៀបចំអស់រយៈពេលជិត 4 ឆ្នាំ ការតាំងពិព័រណ៍ពិសេសត្រូវបានបើកនៅថ្ងៃទី 22 ខែតុលា ឆ្នាំ 2021 នៅសារមន្ទីរបេតិកភណ្ឌ
វប្បធម៌រូកៃ Rukai ក្រុងអ៊ូថៃWutai ។នៅថ្ងៃបើកសម្ភោធ ជនជាតិភាគ
តិចជាច្រើនបានស្លៀកពាក់សំលៀកបំពាក់ជនជាតិដើម ចូលរួមអបអរសាទរ និងប្រារព្ធពិធីយ៉ាងអធិកអធម ក្នុងពេលតាំងពិព័រណ៍នេះ មានមិត្តភ័ក្តិជាច្រើនដែលយកចិត្តទុកដាក់និងស្រឡាញ់វប្បធម៌ដើម បានមកទស្សនាការតាំងពិពណ៌ជាលក្ខណៈបុគ្គល ឬជាក្រុម ជាពិសេសជនជាតិរូកៃ Rukai បានមកទីនេះដោយឥតឈប់ឈរពីគ្រប់ទិសទីទូទាំងតៃវ៉ាន់ ក្រៅពីទស្សនាការតាំងពិពណ៌ ពួកគេក៏បានផ្លាស់ប្តូរ និង
ពិភាក្សាជាមួយសារមន្ទីរវប្បធម៌ និងផ្តល់យោបល់ដ៏មានតម្លៃជាច្រើន។
ដើមឡើយរយៈពេលនៃការតាំងពិព័រណ៌គឺតែប្រាំមួយខែប៉ុណ្ណោះ
ប៉ុន្តែ ដោយសារក្តីសង្ឃឹមរបស់សមាជិកកុលសម្ព័ន្ធការតាំងពិព័រណ៌ត្រូវបានពន្យារពេលពីរខែ។ នៅពេលដែលវត្ថុបុរាណវប្បធម៌នឹងបញ្ជូន
ត្រឡប់ទៅតៃប៉ិវិញ សមាជិកកុលសម្ព័ន្ធមានអារម្មណ៏ពោរពេញដោយភាពសោកសៅ ពោលពាក្យលាវត្ថុបុរាណរបស់បុព្វការីជន ព្រោះនាពេលខាងមុខមិនដឹងថាថ្ងៃណានឹងបានជួបគ្នាទៀត។
នៅថ្ងៃបើកសម្ភោធ កុលសម្ព័ន្ធបានស្លៀកពាក់ប្រពៃណីដើម្បីទស្សនាការតាំងពិពណ៌ "Kialreba ត្រឡប់ទៅអ៊ូថៃវិញ៖"ការសន្ទនារវាងសារមន្ទីរតៃវ៉ាន់និងសហសម័យរូកៃRukai"
ជាសំណាងល្អនៅក្នុងឆ្នាំនេះ (2023) ដើម្បីបន្តការតាំងពិព័រណ៍ដែលនាំឱ្យមនុស្សទាំងពួងមានការរំភើប និងដើម្បីឱ្យមនុស្សកាន់តែច្រើននៅក្នុងតំបន់ទីក្រុងមានឱកាសដើម្បីដឹងគុណចំពោះសម្ភារៈ និង
វប្បធម៌ខាងវិញ្ញាណដ៏ស្រស់ស្អាត និងសម្បូរបែបនៃក្រុមជនជាតិដើម
ភាគតិចតៃវ៉ាន់រូកៃ Rukai ។ ក្នុងអំឡុងពេលពីថ្ងៃទី20មិថុនាឆ្នាំ 2023
ដល់ ថ្ងៃទី10ខែមិនាឆ្នាំ2024 សារមន្ទីរទីពីរបានសហការជាថ្មីម្តងទៀតហើយនឹងនាំយកវត្ថុតាំងពិព័រណ៍ពីមុនទាំងអស់ ផ្លាស់ទីទៅតាំងពិព័រណ៍នៅបន្ទប់តាំងពិព័រណ៍ខាងកើតនៃសារមន្ទីរជាតិតៃវ៉ាន់ក្នុងទី
ក្រុងតៃប៉ិ។ប្រធានបទនៃការតាំងពិព័រណ៌លើកនេះគឺ "Kialreba ត្រឡប់
ទៅអ៊ូថៃវិញ៖"ការសន្ទនារវាងសារមន្ទីរតៃវ៉ាន់និងសហសម័យរូកៃRukai" នៅក្នុងភាសារូកៃRukai "kialreba "មានន័យថា ការទៅសួរ
សុខទុក្ខសាច់ញាតិ។ នៅពេលកំពុងពិភាក្សាជាមួយជនជាតិអំពីរបៀបកំណត់ឈ្មោះពិព័រណ៍ ពួកគាត់យល់ថាវត្ថុបុរាណវប្បធម៌រូកៃ Rukai
នៅតៃប៉ិ គឺជាសម្ភារៈ ប្រើប្រាស់ និងសំលៀកបំពាក់ដែលបុព្វបុរសប្រើប្រាស់ ដែលតំណាងឱ្យការពង្រីកស្មារតីនៃបុព្វការីជន ហើយក៏ត្រូវបានចាត់ទុកថាជាសមាជិកគ្រួសាររបស់យើងផងដែរ ដូច្នេះហើយយើង
មើលការតាំងពិព័រណ៍នេះក្នុងនាមជាការសួរសុខទុក្ខសាច់ញាតិ។
ការតាំងពិពណ៌ពិសេសនេះមានទ្រង់ទ្រាយផ្កាលីលីប្រាំមួយស្រ
ទាប់"បារីហ្គាឡៃ លីលីbariangalai Lily" នឹងធ្វើការបែងចែកវាជាប្រាំមួយផ្ទាំងនេះគឺដើម្បី ឆ្លើយតបទៅនឹងជីវភាពពិតរបស់ជនជាតិរូកៃដែលធ្លាប់បានប្រើប្រាស់សម្ភារៈកាលពីអតីតកាល។នៅក្នុងជនជាតិ
Rukai ភាសាផ្កានៃ "បារីហ្គាឡៃលីលី Bariangalai Lily"មានន័យ រួមដូចជា ការមានវិន័យខ្លួនឯង ចិត្តទូលាយ ស្រឡាញ់ខ្លួនឯង ឧស្សាហ៍
ព្យាយាម ភាពក្លាហាន ស្មោះត្រង់ ជួយអ្នកដទៃ និងការទទួលខុសត្រូវ
។ល។ វាគឺជាគុណធម៌ដែលជនជាតិរូកៃគួរតែមានអាកប្បកិរិយាបែបនេះចំពោះជីវិត។សង្ឃឹមថាអារម្មណ៍នៃការវិលត្រឡប់ទៅស្រុកកំណើត
នឹងមានស្ថិរភាពដោយការស្ដារឡើងវិញនូវភាពអនាធិបតេយ្យ និងជីវិត
នៃវត្ថុបុរាណ ហើយបន្តការបង្រៀនរបស់ដូនតាថា «ចងចាំអ្នក/ផ្កាលីលី
ដែលអ្នកពាក់លើក្បាលរបស់អ្នក និងរស់នៅឱ្យដូចមនុស្ស "។ សម្ភារៈគឺជាផ្នែកបន្ថែមនៃឆន្ទៈ ចាប់ពីឧបករណ៍សាមញ្ញ ឬស្រស់ស្អាតទាំងនេះ ធ្វើឱ្យយើងក្រឡេកមើលទៅជីវិតប្រចាំថ្ងៃ និងពិភពខាងវិញ្ញាណរបស់មនុស្សនៃជនជាតិរូកៃ Rukai កាលពីមួយរយឆ្នាំមុន ។
ការតាំងពិព័រណ៍ទាំងពីរនេះ មិនថាចាប់ពីការស្រាវជ្រាវ ការបកស្រាយវប្បធម៌និងការបកប្រែ ការរៀបចំផែនការតាំងពិព័រណ៍ ការងាររដ្ឋបាល គឺសុទ្ធតែជាកិច្ចការដែលមានការលំបាកខ្លាំងបំផុតទាំងអស់។ទោះបីជាដំណើរការរៀបចំមានភាពលំបាកផ្ទួនៗយ៉ាងណាក៏ដោយ
ប៉ុន្តែនៅពេលដែលឃើញវត្ថុបុរាណវប្បធម៌របស់ជនជាតិរូកៃត្រូវបានគេ
យកចិត្តទុកដាក់យ៉ាងខ្លាំងបែបនេះ ហើយដោយប្រើទស្សនៈរបស់អ្នកស្រុកក្រុមជនជាតិ មកបកស្រាយ និងការធ្វើអត្ថបទបង្ហាញក៏ត្រូវបាន
បង្ហាញជាភាសាចិនកុកងឺ និងភាសាជនជាតិផងដែរ មានអារម្មណ៍យ៉ាងជ្រាលជ្រៅថា ការតាំងពិព័រណ៍នេះមានសារៈសំខាន់ខ្លាំងណាស់ចំពោះសារមន្ទីរវប្បធម៌ក្នុងស្រុក (សារមន្ទីរតូច) សារមន្ទីរអាជីព (សារ
មន្ទីរធំ) និងកុលសម្ព័ន្ធក្នុងស្រុក។ ខណៈតៃវ៉ាន់កំពុងតស៊ូមតិអំពី
យុត្តិធម៌ប្រវត្តិសាស្ត្រនិងយុត្តិធម៌អន្តរកាល ជនជាតិខ្លួនឯងបកស្រាយ
រឿងដែលជាកម្មសិទ្ធិរបស់ក្រុមជនជាតិខ្លួន ការតាំងពិព័រណ៍បែបនេះគឺ
ជាការបោះជំហានដ៏ធំមួយនៅលើផ្លូវទៅរកយុត្តិធម៌ ហើយអាចញ៉ាំងឱ្យ
ជនជាតិទទួលបានការបន្ធូរអារម្មណ៍ខ្លះពីការធ្វើអាណានិគម វាក៏អាចឱ្យមនុស្សក្នុងសង្គមមានការយល់ដឹង និងអធ្យាស្រ័យចំពោះពហុ
វប្បធម៌ផងដែរ។