Naglalayon ang pagpupulong ng seryosong pagtatalakay sa awtonomiya at mga pagkilos para sa museo ng karapatang pantao at mga kaugnay na organisasyon, isang mahalagang paksa sa mga museo sa maraming bansa ngayon. Anong uri ng relasyon ang umiiral sa pagitan ng mga museo, pamahalaan at iba pang may hawak ng kapangyarihan? Paano hinuhubog nitong mga pagkakalinga ang papel ng mga museo at ang kanilang pakikipag-ugnayan sa mga paksang itinuturing na sensitibo o kontrobersyal? Lalong nilalayon pa ng pagpupulong ang paglalarawan sa kasalukuyang sitwasyon ng mga museo na tumatalakay sa karapatang pantao sa buong daigdig, tumutugon sa panlipunan, kultura, at pampulitikang pagsasama o pagbubukod mula sa iba't ibang mga anggulo. Ikagagalak na matanggap sa pagpupulong ang pagsumite ng mga halimbawa ng pinakamuhusay na pagsasanay kung saan nilalayon talakayin at pag-usapan ang pagsasama sa loob ng espasyo sa museo at o sa pangkalahatang lipunan. Anong mga diskarte o estratehiya para sa pagsasama ang napatunayang may kaugnayan lalo na para sa mga museo ng karapatang pantao? Ang layunin ng lahat ng FIHRM komperensiya ay ang pakikipagbahagi ng mga karanasan sa kasanayang pakikilahok, pag-unlad ng mga kakayahan at paraan, at pagtaguyod ng relasyong nakabatay sa komunidad. Mga Tagapagtatag Ang 2022 FIHRM Pagpupulong ay itinatag ng network ng mga museo sa Norwegia para sa karapatang pantao at demokrasya (Demokratinettverket). Ang mga punong museo na naghahanda ay ang Nobel Peace Center, Sentro sa Pag-aaral ng Holocaust and Religious Minorities sa Norwegia (The Norwegian Centre for Studies of Holocaust and Religious Minorities), at Eidsvoll 1814, ang Nasyonal Museo para sa Kasaysayang Konstitusyonal (National Museum for Constitutional History).
-
Federasyon ng Internasyonal Karapatang
Pantao Museo – Asia-Pacific ChapterItaguyod ang pag-unawa at paggalang sa karapatang pantao sa Asya sa pamamagitan ng mga kilusan sa MuseoSumali bilang miyembro submit -
Federasyon ng Internasyonal Karapatang
Pantao Museo – Asia-Pacific ChapterItaguyod ang pag-unawa at paggalang sa karapatang pantao sa Asya sa pamamagitan ng mga kilusan sa MuseoSumali bilang miyembro submit -
Federasyon ng Internasyonal Karapatang
Pantao Museo – Asia-Pacific ChapterItaguyod ang pag-unawa at paggalang sa karapatang pantao sa Asya sa pamamagitan ng mga kilusan sa MuseoSumali bilang miyembro submit
Mga Kaganapan
Bagong Balita
Gaganapin ang FIHRM pagpupulong sa tatlong araw sa tatlong lugar sa Oslo. Ilalathala sa lalong madaliang panahon ang detalyadong impormasyon ukol sa pagpupulong. Paano makilahok Napakadali. Pumarito sa Oslo at makilahok! Magsisimula ang rehistrasyon mula Hulyo 2022 at matatagpuan ang digital rehistrasyon form para sa taong dadalo sa webpage na ito: Programme FIHRM 2022. Kapag nais mong maglahad ng case presentation sa pagpupulong, may open call out ngayon at may extended deadline hanggang Agosto 1. May mas madaming mababasa tungkol sa open call rito: Call for papers Fihrm Oslo 2022 . Ngayong taon, gagawin na hybrid (maaaring makilahok sa aktuwal sa kinaroroonan o virtual sa online) ang ilang bahagi ng programa ng pagpupulong kaya maaaring makilahok mula sa anumang lugar sa mundo. Mas madami pang impormasyon ukol rito ang ilalathala sa www.fihrm2022.org Iskedyul ng Programa Gaganapin ang pagsimula mula tanghali ng Setyembre 19 (Lunes) sa museo Eidsvoll 1814. May mga piling tagapagsalita at isang espesyal na talakayan. Sa Setyembre 20, gaganapin ang unang buong araw ng pagpupulong sa Nobel Peace Center, matatagpuan sa central Oslo waterfront. Kasama sa programa sa araw ang mga plenum sessions (dapat daluhan ng lahat ng kalahok) at may tagapagsalita at talakayan sa bawat isa, kasama na rin ang mga inspirational workshops. Sa programa sa gabi, may pormal na reception sa kalapit na Oslo City Hall kung saan ginaganap ang Nobel Peace Prize seremonya bawat taon. Susundan ito ng isang salu-salong hapunan sa isang restawran sa kalagitnaan ng lungsod. Setyembre 21, iimbitahan ang mga kalahok sa pagpupulong sa islang museo ng Bygdøy, sasakay sa bangka nang sandaliang panahon mula sa City Hall. Gaganapin ang pangalawang buong araw ng pagpupulong sa Norwegian Centre for Studies of Holocaust and Religious Minorities (sa HL-centre) at magbibigay ng pagkakataong malaman ang ukol sa kasalukuyang kalagayan at mga nagsisimulang proyekto sa iba’t ibang museo ng karapatang pantao sa buong mundo. Kasama ang parallel sessions, plenary talakayan at ang pagtapos ng workshop sa araw na ito. Sa mga kalahok na nais pang maggalugad habang nasa Oslo at sa Norway, may post-programme na ihahandog sa Setyembre 22. Kasama rito ang tour sa ilang pangunahing museo sa Oslo tulad ng bagong bukas na Munch Museum at ang Nasyonal Museo. May hiwalay na pamamasyal magpaparoon sa Utøya, kung saan itinatag ang unang sentrong edukasyon para sa kabataan sa islang tinarget ng mga terorismo sa Oslo noong 2011. Itala ang mga petsang Setyembre 19-22. Ilalabas sa lalong madaling panahon ang buong programa. Matatagpuan ang pinakabagong programa sa: Programme FIHRM 2022.
Bigyan ng pansin: Panimula ang programa at maaaring magbago. Ilalathala ang mas detalyadong programa sa buwan ng Agosto. Unang Araw: Setyembre 19 (Lunes) Lugar: Eidsvoll 1814, Eidsvoll Pasimulang session, kaganapang kultura at mga pagbabating talumpati Plenary session 1: “Presyon sa mga Museo - Pagsasagot sa Paghamon” Reception sa gabi sa Oslo City Hall Pangalawang Araw: Setyembre 20 (Martes) Lugar: Nobel Peace Center, Oslo Plenary session 2: “Digmaan at kapayapaan. Museo nasa kalagitnaan” Paggalugad ng paggawa ng eksibisyon sa Nobel Peace Center Plenary session 3: “Mga ahente ng memorya ng politika: Ang museo sa pagitan ng pamahalaan, lipunan at ang sarili nitong misyon at karangalan” Workshops Plenary session 4: “Karapatang pantao sa mga museo: Pagbabahagi ng mabuting kasanayan” Sosyal Programa sa Gabi: Handaan sa Opera House Pangatlong Araw: Setyembre 21 (Miyerkoles) Lugar: The Norwegian Center for Holocaust and Minority Studies, Oslo Plenary session 5: “Lugar para sa Minoridad? Sangandaan sa pagitan ng pamahalaan at mga museo at ang kapangyarihang magtakda” Tour sa eksibisyon sa HL-center Plenary session 6: “Paggalugad sa karapatan ng minoridad sa pamamaraan ng sining: Pagkakaiba kinakatawan o hindi wastong pangangatawan sa museo?” Workshops Plenary session 7: “Kaninong kuwento? Malawakang kalupitan sa mga museo - Mga paglabag sa karapatang pantao na tinutugunan sa mga eksibisyon” Handaan sa gabi (Hindi sapilitan) Pang-apat na Araw: Pamamasyal pagkatapos ng programa (Hindi sapilitan) Maaaring pumili: 1. Guided tour sa Utøya, isang isla sa lawa ng Tyrifjorden. Dito nangyari ang isang terrorist attack sa Labour Party Youth summer camp noong Hulyo 22, 2011. May memorial site ngayon at isang sentro ng edukasyon. 2. Tour sa museo sa Oslo Nagsimula na ang rehistrasyon sa aktuwal na pagdalo sa FIHRM 2022 Pagpupulong.Registration Form Impormasyon sa Pakikilahok Nais namin malaman kung makikilahok ka sa buong pagpupulong o sa ilang takdang araw lamang. May bayad sa rehistrasyon sa aktuwal na pagdalo sa FIHRM Pagpupulong ngayong taon. Kasama sa bayad ang tatlong buong araw ng programa, tanghali at meryenda sa bawat araw at ang pangunahing hapunan sa pagpupulong. 180 Euros ang bayad bawat tao. Hindi kasama ang tirahan sa bayad. Maaaring may bawas ang bayad para sa ilang kalahok. Maaaring may bawas ang bayad para sa ilang kalahok. Kasama rito ang mga kalahok mula sa ICOM miyembrong bansa Grupo 3 & 4, miyembro ng FIHRM-AP at mga mag-aaral. Mababawasan ang bayad kapag dadalo nang isang araw lamang. Pakisulat sa Tanong 13. Siguraduhing ikumpleto ang rehistrasyon nang maaga upang matiyak ang iyong pagdalo. Ikagagalak namin kung matapos ang rehistrasyon bago Agosto 10. Maraming salamat sa iyo.
Espesyal Ulat
Modernisadong mga Inisyatiba - Pagsasanay ng Karapatang Pantao na ipinapakita sa Pamamagitan ng mga Museo Sa pamamagitan ng museum activism na malapit na konektado sa kasalukuyang mga isyu, ang Rapid Response Collection (RRC) ay inilunsad ng Victoria and Albert Museum (V&A) sa U.K. noong 2014 bilang isang estratehiya upang matulungan ang mga museo na itala ang mga pangunahing pangyayari sa buong mundo sa nagdaang dekada tulad ng pandemya ng COVID-19 at mga kilusang panlipunan. Gamit ang Anti-Extradition Bill Movement sa Hong Kong bilang halimbawa, ipinaliwanag ni Professor Chen Chia-Li mula sa Graduate Institute of Museum Studies ng National Taipei University of the Arts (TNUA) kung paano itinataguyod ng mga museo sa rehiyon ng Asia-Pacific ang mga kasanayan ng karapatang pantao sa pamamagitan ng aktibismo. Tumuon si Professor Chen sa mga aksyon na ginampanan ng mga museo sa pagpapanatili, pagpapakita, at pagsusulong ng diwa at mga kaisipan ng mga kilusang panlipunan; pinalawig ang talakayan upang masusing malaman kung paano naging mga tagapag-tala at tinig ang mga museo ng mga kilusang panlipunan, na sa kalaunan ay nakakapukaw ng mas maraming pansin ng tao sa mga isyu ng lipunan ngayon at nag-uudyok ng kanilang pagmumuni-muni.
Paunang Salita Ang layunin ng Federation of International Human Rights Museums - Asia Pacific (FIHRM-AP) ay ang pagtatag ng sarili bilang isang plataporma na nag-uugnay sa mga pandaigdigang museo at mga museo sa Asia Pacific na may kaugnayan sa mga organisasyon ng karapatang pantao. Sa pamamagitan ng diyalogo at pakikipagtulungan, ang FIHRM-AP ay naghahangad na itaguyod ang kasanayan at katuparan ng mga kontemporaryong kaisipan ng karapatang pantao. Ang taunang pagpupulong ng FIHRM-AP ay idinaos sa Taiwan para sa unang pagkakataon noong 2023. Isinagawa ito sa pangangasiwa ng National Human Rights Museum (NHRM) at tumagal ng tatlong araw simula noong Nobyembre 6 sa ilalim ng temang "Synergizing for Human Rights." Kasama sa mga kalahok ang mga propesyonal sa museo, mga mananaliksik, at mga manggagawang may kaugnayan sa karapatang pantao mula sa Taiwan, Japan, Indonesia, Nepal, India, Thailand, Vietnam, Australia, at iba pang rehiyon. Isinama sa pagpupulong ang tatlong keynote speeches, isang presentasyon ng 16 na research papers, at isang workshop mula sa International Coalition of Sites of Conscience (ICSC). Sa pamamagitan ng iba't ibang format na ito, nagdulot ang pagpupulong ng mga bagong pananaw at inspirasyon para sa pagsusulong ng edukasyon sa karapatang pantao, negatibong pamanang kultural, pakikipagtulungan sa komunidad, at isyu sa migrasyon at interdisiplinaryong aspeto ng karapatang pantao upang magkaroon ng “synergizing effect” sa mga museo at sa iba't ibang larangan. Bukod sa mga eksperto, mga iskolar, at mga dumalo na may kinalaman sa mga isyu ng karapatang pantao mula sa iba't ibang panig ng mundo, ang mga pulitikal na biktima ng White Terror era tulad nina Chen Chin-Sheng, Chang Tse-Chou, Chou Hsien-Nung, at Wu Kuo-Shou ay naroon din at personal na nagpahayag ng kanilang taos-pusong pasasalamat at suporta sa mga dumalong manggagawa ng karapatang pantao.
Ang Aking Trabaho Kasalukuyan akong nagtratrabaho sa UPOPOY: National Ainu Museum and Park bilang cultural specialist ng The Foundation for Ainu Culture. Ang UPOPOY ay isang institusyong pangkultura sa Shiraoi, Hokkaido at ang unang pambansang institusyon na nagpapakilala sa kultura ng Ainu. Ang layunin ng pagtatatag ng UPOPOY ay magsilbing "base para sa muling pagkabuhay at paglikha ng kultura ng Ainu" at ito rin ay "simbolo ng pagtingin sa hinaharap, paggalang sa dignidad ng mga taong katutubo, pagbuo ng isang lipunang walang diskriminasyon, kakaiba, masagana at dinamiko" (mula sa UPOPOY website). Nasa loob ng UPOPOY ang National Ainu Museum at National Ainu Park. Ang “park”na ito ay isang open-air na museo at dito makakaranas ng tanawin ng pamumuhay sa Kotan （Traditional Village） sa Cultural Exchange Hall, Workshop at sa Crafts Studio kung saan iba’t ibang mga pag-aaral ukol sa kasaysayan, kultura, kasuotan, pagkain, tirahan, transportasyon, sining at iba pang gawain ng tribong Ainu. Nagbukas sa publiko ang UPOPOY noong taong 2020. Matapos ang maraming taon ng pagsisikap, nakilala ang Ainu bilang “mga katutubo”sa ilalim ng batas ng Japan. Subalit tatatlong taon pa lamang ang nakakaraan mula nang itatag ang UPOPOY, bagaman mayroon nang sariling museo （The Ainu Museum）ang mga Ainu sa Shiraoi. Harap nito ay ang lawa ng Poroto, kaya’t ito’y tinawag na “Poroto Kotan” (ang kotan ay nangangahulugang bayan o nayon). Maraming lugar sa Hokkaido mayroong mga katulad na museo o pasyalan ang naghahayag ng kulturang Ainu, ngunit ang Shiraoi ay pinili na maging lokasyon ng pambansang pasilidad. Noong taon 2018, nagbuklod ang pambansang institusyon na Foundation for Research and Promotion of Ainu Culture at ang pribadong Ainu Museum Foundation (na namamahala sa Poroto Kotan) na naging kasalukuyang sistema ng operasyon ng UPOPOY. Noong Abril 2013, nagsimula akong magtrabaho sa Ainu Museum Foundation bago ito nakipagbuklod. Ang kasalukuyan kong trabaho sa UPOPOY ay magbigay ng pagkakataon sa mga mga bisita na maranasan ang dating pamumuhay sa “Kotan”at ipaliwanag ang tradisyonal na buhay at sining ng tribong Ainu.
